အသစ်အတွက် အသင့် ..။

ဒီခေတ်ကြီးမှာ အဖြစ်အပျက်တွေက .. သိပ်ကို မြန်ဆန်လွန်းနေတယ် ..
ဒီတော့ .. ကျနော်တို့ နေ့စဉ်နေ့တိုင်း .. မလွဲမသွေ ရင်ဆိုင်နေရမှာက ..
"အပြောင်းအလဲ" .. ဆိုတာပါပဲ ..
ကောင်းတဲ့ အပြောင်းအလဲ .. ဒါမှမဟုတ် .. ဆိုးတဲ့ အပြောင်းအလဲ ..
ဘယ်လိုပဲဖြစ်ဖြစ် .. ပြောင်းတော့ ပြောင်းလဲနေမှာ အသေအချာပဲ ..
အဲ့ဒီအကွေ့အပြောင်းတွေက .. ကျနော်တို့နဲ့လည်း အမြဲတမ်း ပတ်သက်နေတတ်တယ် ..
တိုက်ရိုက်ပဲ ဖြစ်ဖြစ် .. သွယ်ဝိုက်ပြီးတော့ပဲ ဖြစ်ဖြစ်ပေါ့ ..
ဒီတော့ .. "အပြောင်းအလဲ" ဆိုတာကို .. ကျနော်တို့ဘ၀ရဲ့ အစိတ်အပိုင်းတခုအဖြစ် ..
လက်ခံကျင့်သုံးတတ်ရမယ့် ကာလမျိုးမှာ ရောက်နေတယ်ဆိုတာ ..
သတိထားကို ထားရတော့မယ့် .. အချိန်အခါမျိုး ဖြစ်နေပြီ ..
သတိထားရမယ်ဆိုတာ .. "အပြောင်းအလဲ" ကြောင့် ဖြစ်ပေါ်လာမယ့် ..
အခြေအနေ အသစ်တွေ ..
အသိုင်းအ၀ိုင်း အသစ်တွေ ..
နည်းစနစ် အသစ်တွေ ..
အခက်အခဲ အသစ်တွေ ..
ထိုးနှက်ချက် အသစ်တွေ ..
အသစ်တွေပေါ့ဗျာ ... ကိုယ် မျှော်လင့်မထားခဲ့ဖူးပေမယ့် ..
လက်မခံလို့မရမယ့် အမှန်တရားတွေအတွက်ပေါ့ .. .. ..
ကျနော်တို့ သတိရှိရပါမယ် ..
ပြင်ဆင်တတ်ရပါမယ် ..
ဆင်ခြင်မိရပါမယ် ..
သင်ခန်းစာယူကြည့်ရပါမယ် ..

အဲ့ဒီလိုမှ မဟုတ်ရင် .. အရာရာက ပြောင်းလဲ လည်ပတ်နေတယ် ..
အဲ့ဒီအထဲမှာ .. မပြောင်းလဲချင်တဲ့ ကိုယ်ကပဲ ကျောက်ဖြစ်ပြီး ကျန်ရစ်ခဲ့မှာပါ ..
ကျောက်ဖြစ်တယ် ဆိုကတည်းက .. အကောင်းတော့ ဖြစ်မှာမဟုတ်ဘူး ..
အချိန်အတိုင်းအတာ တခုမှာ .. သဘာဝပတ်ဝန်းကျင်ရဲ့ တွန်းဖဲ့တိုက်စားမှုကို ခံရပြီး ..
ကမ္ဘာလောကကြီးကနေ .. ရှုံးထွက် ပျောက်ကွယ်သွားကြရတာပါပဲ ..
ဒီတော့ ..
အရှုံးသမား မဖြစ်ရအောင် ..
ကျန်ရစ်တဲ့သူ မဖြစ်ရအောင် ..
ပျောက်ကွယ်သွားသူ မဖြစ်ရအောင် ..
ကမ္ဘာလောကကြီးရဲ့ မောင်းနှင်အားတွေနဲ့ ..
အမြဲတမ်း လိုက်လျောညီထွေ လည်ပတ်နေနိုင်သူဖြစ်ရအောင် ..
ကျနော်တို့ကိုယ် ကျနော်တို့ အကောင်းဆုံး .. ပြင်ဆင် .. ဆင်ခြင်ထားရမယ်လို့ ထင်မိပါတယ် ..
စိတ်ဓာတ်တွေကို ဆန်းစစ်ပါ .. ပြင်ဆင်ပါ .. ခံနိုင်ရည်တွေ မွေးမြူပါ ..
"အပြောင်းအလဲ" ဆိုတာကသာ အမြဲတမ်းအတွက် .. အမှန်တရားဖြစ်တာမို့ ..
ကျနော် ယုံကြည်တာကတော့ ..
"စက္ကန့်တိုင်းဟာ .. နေ့သစ် .. လသစ် .. နှစ်သစ်တွေပါပဲ .."
မတည်ငြိမ်တဲ့ စိတ်ဓာတ်တွေကို ..
စက္ကန့်အသစ်တွေတိုင်းမှာ တည်ငြိမ်အောင် ပြန်တည်ဆောက်ယူပါ ..
မရင့်ကျက်တဲ့ စိတ်ဓာတ်တွေကိုလည်း ..
စက္ကန့်တိုင်းမှာ ရင့်ကျက်မှုတွေ အားကောင်းလာအောင် မွေးမြူထိန်းကြောင်းပါ ..
(နောက်နှစ် တနှစ်ကူးပြောင်းအောင် စောင့်နေစရာ မလိုပါဘူး ..)
ပြီးရင် .. တည်ငြိမ် ရင့်ကျက်တဲ့ စိတ်ဓာတ် အသစ်တွေနဲ့ ..
လက်တွေ့သိပ်ကျတဲ့ .. စက္ကန့်အသစ်တွေကို .. အင်အားအသစ်တွေနဲ့ ရင်ဆိုင်လိုက်ကြပါ ..
ဘ၀တွေ သိပ်ကို နေပျော်စရာ ကောင်းလာမယ် ဆိုတာ ..
အတွေးနဲ့တင် .. ပုံဖော်ကြည့်လို့ ရနေပါတယ် ..
အားလုံးပဲ .. ပျော်ရွှင် အောင်မြင်တဲ့ နံနက်ခင်းအသစ်တွေ ပိုင်ဆိုင် ရင်ဆိုင်နိုင်ပါစေ ..။

... 99 ...
၃၁ ဒီဇင်ဘာ ၂၀၀၈။

အသစ် ..။

နှစ်ဟောင်းရေ .. နေခဲ့တော့တဲ့ ..
အဖြစ်ဟောင်းတွေရော ..
ငါတို့နဲ့.. လိုက်ခဲ့မှာလား ..

နှစ်သစ်တော့ ..
အဖြစ်တွေ .. သစ်လာမယ်ထင်လို့လား ..
ကိုယ်ကိုယ်တိုင် .. မသစ်ချင်သရွေ့တော့ ..
နှစ်သစ်လည်း .. အဖြစ်ညစ်ထဲမှာပဲ ..
ဟောင်းနွမ်း .. ကျန်ရစ်နေအုံးမှာ ..

ကြားလား .. !!
မြက်ရိုင်းအုပ်တွေက ..
လူယဉ်ကျေးတွေ အကြောင်း ..
စောင်းမြောင်း .. ရယ်မောနေလေရဲ့ .. ။

... 99 ...
၂၉ ဒီဇင်ဘာ ၂၀၀၈။

ရိုးနာ ..။

အပြုံးတွေက အတု ..
နှလုံးသားတွေက အတု ..
ရပ်ဝန်းတွေက အတု ..
ရည်ရွယ်ချက်တွေက အတု ..
ယုံကြည်ချက်တွေက အတု ..
မျှော်လင့်ချက်တွေက အတု ..
ကမ်းလက်တွေက အတု ..
ကျား .. အတု ..
မ .. အတု ..
ရင်ခုန်သံတွေလည်း အတု ..
ရိုင်းပင်းမှုတွေက အတု ..
ပေးဆပ်တယ်ဆိုတာ အတု ..
မေတ္တာတရားတွေက အတု ..
သစ္စာတွေလည်း အတု ..
အရောင်တွေက အတု ..
ဘောင်တွေလည်း အတု ..
..
.
ရိုးသားရင် .. ပျော်ရွှင်ရသတဲ့ ..
(သူငယ်ချင်းက ပြောတာတော့ ..)
ရိုးသားမှု .. အတုတွေကြားမှာ ..
သူရိုးသားတိုင်း ..
ရင်နာရသတဲ့ .. ။

... 99 ...
၁၇ ဒီဇင်ဘာ ၂၀၀၈။

အရေး ..။

ဘာတဲ့ ..
လူ့ .. အခွင့် .. အရေး ..
..
.
နားထဲကိုလား ..
မ၀င်ပါဘူးဗျာ ..
နားဝမှာတင် .. ကန့်လန့်ကြီး .. ။

ရင်ထဲနက်နက် .. ၀င်ဖို့လား ..
ပိုခက်နေသပေါ့ ..
နှလုံးသားက .. လက်ခံဖို့ဆိုတာ ..
လက်တွေ့ကျကျ .. လိုသကိုးဗျ .. ။

ခုတော့ ..
ကြားမိတိုင်း ..
နှလုံးသားတွေ .. ဒဏ်သင့် ..
ကမ်းမိသမျှ ..
အဆိပ်တွေပဲ .. ဖြစ်ခဲ့သမို့ ..
နေပါတော့ဗျာ .. (ခပ်ဝေးဝေးမှာ) .. ။

တချို့ရဲ့ .. အခွင့်တွေ ..
အားလုံးရဲ့ .. အရေးအတွက် ..
ရည်ရွယ်မယ့် .. တနေ့တော့ ..
ဒဏ်တွေ ကွယ် .. အဆိပ်တွေ ပြယ်
လူစင်စစ် အဖြစ် .. ရပ်တည်နိုင်လိမ့်မယ် .. ။

... 99 ...
၁၀ ဒီဇင်ဘာ ၂၀၀၈။

အတိတ်ချို တခွက် ..။

ခပ်အေးအေးပဲ .. ရောက်လာတဲ့ ..
ဒီဇင်ဘာရေ ..
ခပ်ဆွေးဆွေးတွေခမြာ.. မင်းကြောင့်
ပိုငိုင်ငေး နေရပါရောလား ..
..

မှုန်မှိုင်းမှိုင်း .. ဒီဇင်ဘာထဲ ..
(ကျနော်ကတော့ ..)
ထုံထိုင်းထိုင်း .. အတွေးတွေ ..
ဆွဲလွဲ ပွေ့ပိုက်လို့ ..
အတိတ်ထဲမှာ .. ဒီဇင်ဘာကို
ပြန်တူးဆွ ..
ဖြူလွလွ .. မနက်ခင်းတချို့ရယ်
နွေးထွေးဆဲ .. တွဲလက်ကလေးတွေရယ်
လေပြေထဲက .. ညင်းဖွဖွ ဂီတသံစဉ်လေးရယ်
မြတ်နိုးဆဲ .. ချိုပေါ့ကျတခွက်ရယ်
သြော် .. ဖွဲ့တည်နေဆဲ
ဒီဇင်ဘာရဲ့ .. အတိတ်တွေပါကွယ်
...
..
.
ချိုမြိန်ခဲ့ဖူးတယ် ..
(သို့သော် ..)
ပေါ့ဆခဲ့မိလို့ .. ကျပျောက်သွားခဲ့ရတဲ့
ချိုပေါ့ကျ .. အတိတ်တခွက်
ခုလို ..
ဒီဇင်ဘာ .. မနက်ခင်းတခုမှာ
မက်မက်စက်စက် ..
ပြန်သောက်ချင်နေမိတော့တယ် ..။

... 99 ...
၎ ဒီဇင်ဘာ ၂၀၀၈။