Monday, October 22, 2018

"အလင်းအိမ် ..။"

ညီမလေးနဲ့ ညီလေး ..
အလင်းအိမ်လေးတွေ 
အထူးတလည် .. 
ထွန်းညှိတဲ့ အချိန် ရောက်လာပြန်ပြီ ..။

မိုးလေကင်းလွတ်တဲ့ .. 
သာသာယာယာ ဒီလုို ကာလမှာ ..
အိမ်တွင်း .. အိမ်ပြင် 
အမှောင်ကင်း .. 
လင်းလက်တောက်ပစေဖို့ ..
အလင်းအိမ်လှလှလေးတွေ 
တန်ဆာဆင်ကြတယ် မဟုတ်လား ..

ဒါဆို ..
ရင်တွင်းနက်နက်ထဲမှာ .. 
တိတ်တိတ်လေး မှောင်မိုက်နေမယ့် .. 
အလင်းအိမ်လေး ရှိနေတာကုိုရော ..
သတိပြုမိရဲ့လား .. 

ကုိုယ့်နှလုံးသားထဲက အလင်းအိမ်လေးဟာ ..
ကုိုယ့်ရဲ့ အရေးတယူ ရှိမှုကုို ..
အမြဲတမ်း စောင့်မျှော်နေတယ်ဆိုတာ ..
သတိ မမေ့စေချင်ဘူးကွယ် ..

ပြင်ပက မီးအိမ်အလင်း ..
နှလုံးသားထဲကို ရောက် မရောက် 
မသေချာ နိုင်ပေမယ့် ..
ရင်ထဲက အလင်းဟာ ..
အလုံးစုံသော အမှောင်ထုကုို 
ထိုးခွင်း .. 
ဟုိုးးးး .. စကြာဝဠာပြင်ပအထိ .. 
လင်းဖြာစေနုိုင်ရဲ့ .. 

(ရှင်တော်မြတ်ဘုရားကို 
အကြိုပြုဖို့ .. အကောင်းဆုံးသော
အလင်းစစ်စစ်ပေါ့ ..) 

ညီမလေးရေ .. 
မမေ့ မလျော့ပဲ .. 
ကုိုယ့်နှလုံးသားထဲက မီးအိမ်လေးကို 
ကုိုယ်ပုိုင် အလင်းဓာတ် ..
အရင်ဆုံး ထွန်းညှိနုိုင်ပါစေ ..။ 

ညီလေးလည်း .. 
အလင်းစစ်စစ်ကုို .. 
နေ့စဉ်နေတုိုင်း .. သတိတရ 
သယ်ဆောင်နုိုင်သူ ဖြစ်ပါစေ ..။ 

ဒီ "ရင်တွင်း အလင်းဓာတ်" .. 
ချစ်ခင်နှစ်သက်ကြသော ..
ခါးသက် မနှစ်မြို့ကြသော ..
ကျေးဇူးပြုဖူးသော ..
ကျေးဇူးမေ့ဖူးသော ..
အနီးဆုံးသူများကနေ..
အဝေးဆုံးသူများအထိ ..
နက်နက်ရှိုင်းရှိုင်း ..
ဖြန့်ကျက် ထိတွေ့နုိုင်ပါစေ ..

အားလုံးသော နှလုံးသားတွေ ..
အလင်းစစ်စစ်ရဲ့ ကြည်လင်မှုမှာ ..
ငြိမ်းချမ်း လှပနိုင်ပါစေ ..။

--99--
22/ Oct/ 2018
"အလင်းအိမ်" - Sketch by 99






No comments:

Post a Comment

အတွေးအမြင်လေးတွေ ဝေမျှသွားနိုင်ပါတယ်...