လပွတ္တာမှာ ..။

ကျနော့်သူငယ်ချင်းတဖွဲ့တော့ လပွတ္တာမှာ တတ်စွမ်းသရွေ့ ကူညီပေးခဲ့ပါတယ်။
ကျနော် နိုင်းနိုင်း ဘန်ကောက်ကနေ လက်ခံရရှိတဲ့ ဘတ်ငွေ ၈၄၀၀ (မြန်မာငွေ ၃ သိန်း)ကို မေလ ၁၀ ရက်နေ့မှာ ရန်ကုန်မှာရှိတဲ့ လုပ်အားကူညီမယ့် သူငယ်ချင်းတစုဆီကို ပို့ပေးခဲ့ပါတယ်။
ပထမတုန်းကတော့ လှိုင်သာယာအတွက် ကောက်ခံခဲ့ပေမယ့် .. ဒုက္ခသည်ပိုများနေတဲ့ လပွတ္တာဘက်ကို အဆက်အသွယ်လည်း ရသွားလို့ ဦးစားပေးဖြစ်ခဲ့ပါတယ် ..။
တကယ်တော့ ကျနော့်သူငယ်ချင်းတွေက လပွတ္တာကနေရောက်လာတဲ့ ဘုန်းဘုန်းတပါးနဲ့ ဆက်သွယ်မိပြီး အခုလို လှူဖြစ်သွားတာပါ ..။
လပွတ္တာကဘုန်းဘုန်း ဦးစီးပြီး ကောက်ခံရရှိတာရော .. ကျနော်တို့ အလှူငွေ ၃ သိန်းကို ထည့်ဝင်ပြီးတော့ရော .. တခြား သူငယ်ချင်းတွေ ထည့်ဝင်တာနဲ့ပါ .. အားလုံး ၁၀ သိန်းကျော်ဖိုး လှူဖြစ်ပါတယ် ..။

အလှူပစ္စည်းတွေကတော့ ...
ဆန်အိတ် - ၅၀ အိတ်
ရေသန့် - ၆၀၀ ပုလင်း (၁ လီတာပုလင်း)
ဓာတ်ဆား - ၃၀၀ ထုတ်
အခြား မြန်မာလိမ်းဆေး .. သောက်ဆေးများ .. ပါဝင်ပါတယ်။

လပွတ္တာမှာ လှူခဲ့တဲ့ ဘုန်းကြီးကျောင်းတွေကတော့ ...
၁) ဓမ္မဇေယျ ကျောင်းတိုက်
၂) သီရိရတနာ ကျောင်းတိုက်
၃) အသောကာရာမ ကျောင်းတိုက်
၎) ကိုးန၀င်း ပရိပတ္တိစာသင်တိုက်
၅) သရက်တောကျောင်း ပရိပတ္တိစာသင်တိုက်
၆) သာသနောဒယ ကျောင်းတိုက်
အင်းစိန်ရွာမ ဘုန်းကြီးကျောင်းမှ ဆရာတော် ဦးဆောင်ပြီး လိုက်ပါလှူဒါန်းပေးပါသည်။

ဒါ့အပြင် ကြည့်မြင်တိုင် တဖက်ကမ်းမှာလည်း ဆန် ၁၀ အိတ်နဲ့ စုမိသမျှ အ၀တ်အစား ၂ သေတ္တာစာ ပေးပို့ လှူဒါန်းခဲ့ပါတယ်။
သွားလှူတဲ့ လူတွေထဲမှာ ဓာတ်ပုံရိုက်ဖို့ အခြေအနေ မပေးတာကြောင့် .. ပါလာသမျှ ဓာတ်ပုံလေးတွေကိုပဲ ပြန်ဝေမျှလိုက်ပါတယ် ..။

လပွတ္တာမြို့ သရက်တောကျောင်းတိုက်။
သရက်တော ကျောင်းတိုက်မှာ ဆန်အိတ်များချရန် ပြင်ဆင်။
အသောကာရာမ ကျောင်းတိုက်တွင် ခိုလှုံနေသူများအတွက် ရေသန့်ဝေငှ။
ရွာအတွင်းပိုင်း ဘုန်းကြီးကျောင်းတွင် ခိုလှုံနေသူများထံသို့ ပစ္စည်းများကိုယ်တိုင်ကိုယ်ကျ ပို့ဆောင်။

လတ်တလော ကောက်ခံရရှိငွေများကို ဆက်ပြီး ထိထိရောက်ရောက် လှူဒါန်းကူညီသွားပါမယ်။
အလှူငွေ ထည့်ဝင်ချင်သူများလည်း တဖက်တွင်ဖော်ပြထားသော အီးမေးသို့ မေးမြန်း လှူဒါန်းနိုင်ပါသည်။

... 99 ...
၁၇ မေ ၂၀၀၈။