Sunday, July 23, 2017

"သုညရဲ့လှိုင်း ..။"

ညီမလေးရေ ..
ငှက်တွေတောင် 
အိမ်ပြန်ကုန်ကြပြီ ..
ငါ့မှာတော့ အရွေ့သုညမှာ 
ရပ်မြဲ ရပ်နေရဆဲပါပဲ ..။

နှလုံးသားရဲ့ ကွန်တိုလှိုင်းတွေ
အနိမ့်အမြင့် မညီမညာ ဖြစ်ရတဲ့အခါ ..
ဂစ်တာကြိုးညှိခဲ့ကြတဲ့ ကာလတွေကို
မဆီမဆိုင် ..
လွမ်းဆွတ်နေမိတော့တယ် ..။

အဲ့ဒီတုန်းက ..
ငါက ဂစ်တာကြိုးညှိ ..
ညီမလေးက အနားမှာ ရယ်မော ..
ဂစ်တာအိုလေးရဲ့ ကြိုးတွေ 
အလွယ်တကူ ညှိလို့မရပေမယ့်
နှလုံးသားရဲ့ ကွန်တိုလှိုင်းတွေ
အတိုင်းမသိ ညီညွတ်ခဲ့ကြတယ် ..။

ညီမလေးရေ ..
ဘ၀ဆိုတာ ..
ချိုမြသာယာတဲ့ သံစဉ် တပုဒ်တဲ့ ..။
ဒီတခါတော့ .. င့ါရင်ထဲက သံစဉ်ချိုလေး ..
ညီမလေးကို နားထောင်ခွင့်ပေးအုံးမယ် ..
ခေါင်းမာ တင်းခံနေသေးတဲ့ ..
အခါးလှိုင်းတွေ .. 
အန်ထုတ်ပြီးတဲ့ အခါကျရင်ပေါ့ ..။

--99--
24/ July/ 2017
 
"ညီမလေးအတွက် .." by 99

No comments:

Post a Comment

အတွေးအမြင်လေးတွေ ဝေမျှသွားနိုင်ပါတယ်...