မျက်ဝါးထင်ထင်
ကိုယ့်အသက်ကို ကိုယ်မွေးနိုင်မှ ..။
ဒီတောင်တက်ပြီးရင် ဟိုမြစ်ကို ကူးရဦးမယ် ..
တကောင်လာလည်း အိုဗာစတေး (over stay) ဆိုတာချည်းပဲ ..။
ရွာက နွားတရှဉ်းနဲ့ လယ်ကွက်ဖိုးလေး မရသေးဘူးဆိုလား ..
အိမ်ကို လွမ်းတယ်ဆိုလား ..
မောင်ကြီး မပြန်နိုင်ဆိုလား ..
အဲ့ဒီကောင် .. အမြဲတမ်း တငူတငိုင်ငိုင် ..
မီးတွေလင်းနေတဲ့ .. ဟိုဘက်ကမ်းမှာ ..
မှောင်နေတဲ့ ဘ၀တွေရှိသလို ..
မှောင်နေတဲ့ မင်းအိပ်မက်မှာ ..
“တနေ့နေ့တော့” ဆိုတဲ့ .. အလင်းလည်း ရှိရမှာပေါ့ ..။
“ပြည့်စုံချိန် ပြန်ခဲ့မယ်တဲ့ ..
ငယ်ရွယ်စဉ် ရှာဖွေစွန့်ခဲ့ပြီ ..”
မျက်ရည်စို့နေတဲ့ .. အဲ့ဒီ သီချင်းကို .. ပိတ်လိုက်ပါတော့ကွာ ..။
သူဌေးဆိုတဲ့ အသားဝါကောင်တွေက ..
ခြေထောက်နဲ့တို့ပြီး ခိုင်းတာကို .. ခံနေရတဲ့အချိန် ..
သားလေးက နိုင်ငံခြားမှာဆိုပြီး ..
ဂုဏ်မယူလိုက်ပါနဲ့ ..
မစားရက် .. မသောက်ရက် ..
ချစ်ခြုပ်စုထားတဲ့ .. ကျနော့် အသက်ကလေး ..
အမေ့ထံ လိုက်ပါတယ် .. .. .. ။
ချောဘသစ်
ပိတောက်ပွင့်သစ်
အမှတ် (၂၄)၊ မေလ၊ ၂၀၀၉။
No comments:
Post a Comment
အတွေးအမြင်လေးတွေ ဝေမျှသွားနိုင်ပါတယ်...