Friday, July 24, 2015

"ချစ်ခြင်း ညနေ ..။"

ပန်းပွင့်ဖြူဖြူလေးတွေ ..
ဖွေးသန့်အောင် .. ဝေနေတတ်တဲ့  
စိမ်းမှောင်မှောင် .. စင်္ကြာပန်းရုံလေး ..
သူ့အရိပ်အောက်မှာ .. မလှုပ်မရှက်နဲ့ ..
အိပ်မောကျနေမယ့် ..
သစ်သားခုံတန်းအိုလေး ..

ဒီလို ခပ်ဝါးဝါး .. ပိတ်ကား နောက်ခံထဲက ..
ပုစွန်ဆီရောင် ညနေခင်းတိုင်းမှာ ..
ရင်ခုန်ဖက်ကို မပြောပြဖြစ်ခဲ့တဲ့ ..  
ရှိန်းမြသင်းပြသော ချစ်ခြင်းတွေ ..
ဒီ .. ပန်းရုံလေးထက်မှာ .. 
သင်းရနံ့တွေလို .. 
ဝေ .. ခဲ့ ..  
ဝေ .. ဆဲ ..
ဝေ .. မြဲ ..

စင်္ကြာပန်းလေးတွေနဲ့ .. 
လင်းဖွေးနေမယ့် .. ညနေခင်းလေး ..
ပန်းဆီရောင် တိမ်သားထုတွေအောက်မှာ ..
ချစ်ခြင်းတခုကို အလှဆင်နေမယ့် .. ညနေခင်းလေး ..
ခုံတန်းလေး တိတ်ဆိတ် နှုတ်ပိတ်နေလို့ ..
အိပ်မောကျနေရှာမယ့် .. ညနေခင်းလေး ..
မက်မက်မောမော .. 
လွမ်းမိပါရဲ့ ..။

တနေ၀င် .. 
တနေထွက်နဲ့ ..
တိုက်စားသွားနေကြတဲ့ အရာတွေထဲ ..
ပန်းတွေ .. ဖွေးပါစေ ..
အလွမ်းတွေ .. မွှေးပါစေ ..
နွေးထွေးတဲ့ .. ချစ်ခြင်းတွေ ..
သက်လုံ ကောင်းပါစေ ..။

-- 99 --
၂၄ ဇူလိုင် ၂၀၁၅


Thursday, July 16, 2015

"လမ်းလွဲ ..။ "

အ၀ါရောင် .. ငုပွင့်တွေ ..
တလှုပ်လှုပ် ဝေ .. 
တဖြုတ်ဖြုတ် ကြွေနေတဲ့ .. 
ခုလို ရာသီ အကူးအပြောင်းမှာ ..
သူနဲ့ ကျနော် .. 
"လမ်းကွဲ" ခဲ့တယ် ..
[အပြုံးတစနဲ့ လွမ်းမိတုန်းပါပဲ ..]

အဖြူရောင် တိမ်အုပ်အုပ်တွေ ..
ခပ်သုတ်သုတ် ပြေးထွက်သွားနေတဲ့ 
ခုလို ညနေခင်းမျိုးမှာ ..
သူ့လက်ဖ၀ါးလေး 
အမိအရ .. ဖမ်း .. ဆုတ် .. ခဲ့ .. မိ .. ရင် ..
[ခုထိလည်း ..ေ၀၀ါးနေဆဲ ..]

အေးလေ ..
"လမ်းလွဲ" တွေများတဲ့ .. ဒီလို ဘ၀ထဲ ..
"လမ်းကွဲ" သွားခဲ့ရတာဟာ ..
"လမ်းခွဲ" ခဲ့ရတာထက်တော့ ..
[မကျေနပ်ပေမယ့်လည်း ..]
ဖြေသာချင်စရာပေါ့ ..

ကြယ်ရောင်တောက်တောက်တွေ အောက်မှာ ..
အတူတူ ဖြတ်လျှောက်ခဲ့ဖူးတဲ့ .. 
လမ်းမှောင်မှောင်လေး .. 
ခုလို .. ခပ်ဝေးဝေးက ပြန်ကြည့်တော့မှ ..
ငြိမ်သက် နူးညံ့နေဆဲ .. 
ပျိုမြစ် ခန့်ထည်နေဆဲ .. 
မရိုးအီနိုင်တဲ့ .. ပန်းချီကားတချပ်လိုပါပဲ ..။
[ဟော .. .. .. 
ပန်းချီကားရဲ့ ထောင့်တနေရာမှာ ..
ဝိုးတ၀ါး အရိပ်တစ်စုံ ..
တစ်ယောက်လက် .. တစ်ယောက်တွဲလို့ ..  ]

-- 99 --
၁၇ ဇူလိုင် ၂၀၁၅။